كــلام فــاكــس جــدا
كنت بحس الجملة دي جوايا لما أضطر أسفاً إني أحضر محاضرة تنمية بشرية لواحد من إخوانا الحلوين
لإني بصدق فعلم ما يسمونه بالتنمية البشرية
بيدوك أمل في الحياة كدة .. حقنة أمل
كان دايما يقولك إيه .. إن حياتك بتصنعها بإديك
ورؤيتك لحياتك هي اللي بتخليك تصنعها مش العكس
إيه الفكرة بقى !!!!!!؟ ...
بس كدة .. أقولك يا سيدي
كنت بتكلم مع واحد صاحبي دالوقت فصورة رسمها .. وهو موهوب الحقيقة .. قولتلو ليه متحاولش تجرب نفسك في الزيت أو الفحم
قالي لالالالالا دا خنقة .. أصل أنا بحب الألوان والهيصة
جت فبالي جملة .. إنت اللي بتصنع حياتك بإيدك
أيووووون.. بتاعت إخوانا الحلوين D:
معرفش ليه .. بس حاولت افكر فيها ...
الحد اللي عايز يبقى ناجح :
- بيبقى شايف الحاجة اللي بيحبها .. ممارسة للموهبة .
- والحاجة اللي بيكرهها .. مغامرة وواخدها تحدي .
- والناس اللي حوليه لو مؤيدينه .. فهما بيس وتمام وقشطة .
- لو معارضينه .. معلش بكرة يفهمو اللي انا عايز أعملة .
- الظروف لو معاة بيفكر إزاي يطوعها علشان يزود نسبه نجاحه.
- لو مش معاة بيفكر ازاي يا يكسرها ويعدي منها يا يعلى فوقها .
إخوانا البعدا بقى :
- الحاجة اللي بيحبها .. ملل وروتين.. مش عملتها مرة قبل كدة هو كل يوم بقى عايز اجدد طهقت .
- الحاجة اللي بيكرهها بقى .. صدمة وكسرة نفس وضياع امله في الحياة .. يا ضنايا .
- الناس اللي حولية اللي بيؤيدوة .. مصلحجية وبيعملو كدة علشان نفسهم .. حتى أمه .
- لو معارضينه .. يبقو اجمل شماعة .. هما السبب هما اللي جايبيني لورا .
- الظروف لو معاه .. يقولك اصل انا مكسل .. معرفش مالي مخنوق كدة .
- لو مش معاة .. برضة صباحو شماعات .
الحياة بالأمل .. أجمل
إحنا لازم يكون عندنا أمل في الحياة .. مش علشان نعيش
لان إحنا كدة كدة بنعيش .. بالألم أو بالأمل .
لا لا لا .. إحنا لازم يبقى عندنا أمل في الحياة .. علشان لازم يبقى عندنا أمل .. في الحياة
