لما بنوصل من الخنقة والكبت لحالة الدرجة القصوى
فيه حلين اكتر شهرة الناس عادة بتلجأ ليها
الاول انه يلاقي حاجات شبهه يحشر نفسه وسطيها
زي انه يشغل اغاني كأيبة او يتصل بحد من اصحابها كان مر بنفس التجربة السلبية دي يقعدوا يعيطوا مع بعض !!
ودا بيكون حل مؤقت ممتاز .. زي ما بيكون فيه طبق فيه ماية مش نضيفة وبندلوقها
والتاني
ان الواحد بيبحث عن نقطة تووووازن .. بيبحث عن الحاجات اللي بتعيد ليه نقطة التوازن
زي الايمانيات والاقوال الحكيمة !!
ودا بيكون شئ كويس وبيعيد الانسان بسرعة لتوازنة
وافضل شئ هو المزج بين الاتنين انك تطلع الشحنة اللي جواك
مع المحافظة على كم التوازن اللي جواك
علشان متكرهش زوجتك مثلا وتصدر عليها حكم لارجعة فيه انها كأيبة وعصبية .. وكل اللي كانت محتاجاه انها متعصب من ضغط الشغل وضغوط البيت وانك تسمع زعيقها للاخر وبعد كدة تاخدها فحضنك وتطبطب عليها
لو اعتمد على الخنقة والفضفضة ومود الاغاني هتطلع الشحنة اللي جواك بس مش هترجع لنقطة التوازن .. اللي هي في مثالنا هنا ان مع كل دا تفضل لسه بتحب زوجتك وعندك نفس طاقة الرغبة فيها والاعتماد عليها والثقة فيها !!
ولو اعتمدت على الحكمة هتبقى كبتت جواك الاحساس ودا لو مش جواك طاقة احتواء كبيرة هيقلب الموضوع عليك لانك هتبقى عامل زي الجمل بتحوش تحوش وبعدين تنفجر ولما تنفجر محدش هيقدر يوقفك
خد بالك من نفسك ومن توازنك وحكمتك .. ومن اللي بيحبوك
ليست هناك تعليقات:
إرسال تعليق